Англиянинг "Тоттенхэм" клуби "Бавария" вингери Лерой Санени сотиб олишга ҳаракат қилиши мумкин. Бу ҳақда Sky Sports хабар бермоқда.

Сане келаси ой охирида эркин агентга айланади. Манбага кўра, "шпорлар" сафида фаолиятини давом эттириш варианти жамоанинг Европа Лигасидаги ғалабасидан сўнг у учун бироз жозибадор бўлиб қолган. Томонлар молиявий томондан келиша олишадими, деган савол очиқ қолмоқда.

Жорий мавсумда 29 ёшли футболчи барча мусобақаларда 45 та ўйинда майдонга тушиб, 13 та гол урди ва 6 та голли узатмани амалга оширди. Аввалроқ, унинг хизматларига "Ньюкасл," "Арсенал" ва "Челси" клублари қизиқиш билдираётгани маълум бўлганди.