"Барселона" марказий ҳимоячиси Рональд Араухо якунланган мавсум ҳақидаги фикрлари билан ўртоқлашди.

Уругвайлик футболчи декабргача жароҳати туфайли майдонга тушмади, шундан сўнг сафга қайтди, аммо ҳар доим ҳам асосий таркибга кира олмади.

"Биз қўлга киритган барча совринлардан хурсандман, лекин бу мен учун ажойиб мавсум бўлди, деб ўйламайман, айниқса, жароҳат туфайли узоқ вақт ўйнай олмаганимни ҳисобга олсак. Аммо келажагимга ишончим комил, шартномам 2031 йилгача мўлжалланган," - дея 26 ёшли футболчининг сўзларини келтиради Barca Centre.

Рональд Араухо ўтган мавсумда каталонияликлар сафида 25 та ўйинда майдонга тушди ва 2 та гол ҳамда 1 та голли узатмага муаллифлик қилди.