"Barselona" markaziy himoyachisi Ronald Arauxo yakunlangan mavsum haqidagi fikrlari bilan o‘rtoqlashdi.
Urugvaylik futbolchi dekabrgacha jarohati tufayli maydonga tushmadi, shundan so‘ng safga qaytdi, ammo har doim ham asosiy tarkibga kira olmadi.
"Biz qo‘lga kiritgan barcha sovrinlardan xursandman, lekin bu men uchun ajoyib mavsum bo‘ldi, deb o‘ylamayman, ayniqsa, jarohat tufayli uzoq vaqt o‘ynay olmaganimni hisobga olsak. Ammo kelajagimga ishonchim komil, shartnomam 2031 yilgacha mo‘ljallangan," - deya 26 yoshli futbolchining so‘zlarini keltiradi Barca Centre.
Ronald Arauxo o‘tgan mavsumda kataloniyaliklar safida 25 ta o‘yinda maydonga tushdi va 2 ta gol hamda 1 ta golli uzatmaga mualliflik qildi.
