Германия терма жамоаси бош мураббийи Юлиан Нагельсманн "Майнц" ҳужумчиси Жонатан Буркардтни жароҳат олган "Штутгарт" ярим ҳимоячиси Анжело Штиллер ўрнига Миллатлар лигасининг ҳал қилувчи ўйинларига чақирди.

Буркардт 30 май, жума куни машғулот базасида жамоага қўшилади.

2024/25 йилги мавсумда Буркардт "Майнц" сафида 29 та ўйинда 18 та гол уриб, Бундеслиганинг энг сермаҳсул немис футболчисига айланди. У Германия кубогида ҳам битта гол урди. 24 ёшли ҳужумчи Германия терма жамоаси сафида 3 та ўйинда майдонга тушди.

Штиллер тўпиқ боғламлари жароҳатининг такрорланиши туфайли сафдан чиқди. 2024/25 йилги мавсумда у "Штутгарт" сафида барча мусобақаларда 47 та ўйинда майдонга тушиб, 4 та гол урди ва 11 та голли узатмани амалга оширди. Ярим ҳимоячи Германия терма жамоаси сафида 4 та ўйинда майдонга тушган.

Германия ва Португалия терма жамоалари 4 июнь, чоршанба куни Миллатлар лигасининг 1/2 финалида майдонга тушади.