Ҳимоячи Ибраҳима Конате шартнома бўйича музокараларда муваффақият қозонмаганига қарамай, "Ливерпул"да бахтли эканини айтди.
Конате ҳозирги шартномасининг сўнгги йилига кирмоқда, "Ливерпуль" яна бир бор асосий ўйинчисини товонсиз йўқотиш эҳтимолига дуч келди, худди Трент Александр-Арнольд, Виржил ван Дейк ва Муҳаммад Салоҳ билан бўлгани каби, "қизиллар" фақат охирги иккитаси билан шартномани узайтирган.
Конатенинг шартнома бўйича музокаралари ҳозирча муваффақиятсизликка учради, ОАВ уни "ПСЖ" ва "Реал Мадрид" билан боғлашда давом этмоқда, аммо 26 ёшли франциялик футболчи кетишга шошилмаяпти.
"Бу клуб билан яна кўп мақсадларим борлигини биламан: етакчи бўлиш, ҳамма нарсада ғалаба қозониш. Тўғрисини айтсам, бу ерда жуда бахтлиман.
Клуб ва агентим ўртасида яна бир суҳбат бўлади ва келинг, келгуси ҳафталарда нима бўлишини кўрамиз. Мен вақт оралиғи ҳақида билмайман, лекин кўрамиз. Ҳақиқий тараққиёт йўқ, аммо агентим ўтган ҳафта клуб билан учрашди. Агентим менга нима деганини айта олмайман, аммо кўрамиз, нима бўлади", - деди Конате.
