"Арсенал" ярим ҳимоячиси Жоржиньо Лондон клубини тарк этишини эълон қилди.
Жоржиньо 2023 йилнинг январида “Челси”дан 12 миллион фунтга кўчиб ўтганидан бери “Арсенал”да ўйнаб келаётганди.
33 ёшли бразилиялик италиялик футболчи "Эмирайтс"да икки ярим мавсум давомида 79 та ўйинда майдонга тушиб, 2 та гол урган.
Деклан Райс келганидан сўнг Жоржиньонинг "Арсенал" учун аҳамияти кескин камайди, "Арсенал" бош мураббийи Микель Артета сўнгги пайтларда фахрийдан фақат ротация ўйинчиси сифатида фойдаланди.
Жоржиньо ўзининг кетишини шахсан эълон қилди ва "Раҳмат, Арсенал" ёзуви билан Инстаграмда хайрлашув видеосини жойлаштирди. Жоржиньо фаолиятини "Фламенго"да давом эттириши кутилмоқда, Бразилия клуби собиқ футболчини июнь ойида бошланадиган клублар ўртасидаги жаҳон чемпионатига олиб кетишмга умид қилмоқда.
