"Арсенал" таянч ярим ҳимоячиси Жоржиньо меҳнат шартномаси муддати якунлангач, лондонликлар жамоасини тарк этмоқда. Бу ҳақда Footmercato хабар бермоқда.
"Хайрлашиш вақти келди. Ажралиш ҳар доим ҳам осон кечмайди, аммо мен "Арсенал"дан бошимни баланд кўтариб кетяпман," - деди футболчи.
Ярим ҳимоячи 2023 йилнинг январидан бери Лондон жамоасида тўп тепиб келаётганди. Умумий ҳисобда Жоржиньо "канонирлар" сафида 79 та ўйин ўтказган. Ўтган мавсумдан бошлаб хавбек "Арсенал" мураббийлар штаби режаларига кирмай қўйди.













