Криштиану Роналдунинг "Ан-Наср" билан амалдаги шартномаси бир ойдан сўнг ўз ниҳоясига етади. Куни кеча португалиялик футболчи клубни тарк этишига ишора қилди, аммо "Ан-Наср" ичидаги манбалар нашрда Роналду хайрлашмаганини таъкидламоқда. Журналист Бен Жейкобснинг ёзишича, "Ан-Наср" ва Криштиану ҳамон янги шартнома борасида музокаралар олиб бормоқда. 40 ёшли форвард яқин икки ҳафта ичида бир қарорга келиши кутилмоқда.
Қайд этилишича, Саудия Арабистонининг баъзи нуфузли шахслари "Ал-Ҳилол"ни Роналду билан қисқа муддатли шартнома имзолашга - клублар ўртасидаги жаҳон чемпионатини ўтказиш муддатига мослаштирмоқда. Аммо Криштиану бундай вариантга очиқ ёки очиқ эмаслиги охиригача аниқ эмас.
