1. ЖЧ-2014 саралашида терма жамоамиз иштирокидан кўнглингиз тўлдими?
Ҳали биз учун саралаш охирига етмади, олдинда плей офф уйинлари бор. Ҳамма нарса натижага қараб баҳо берилади. Терма жамоамиз олдига ЖЧ йўлланмасини қўлга киритиш қўйилган. Агар Корея билан Эрон ўйинида бизга керакли натижа қўлга киритилганида, ҳозир ҳамма Қосимов ва К.О сига мақташ билан кун ўтказардик. Ноумид шайтон дейишадику, кўнглимнинг бир четида Уругвай бўлса нима бўлибди, ютишимиз мумкин деган учун умид бор. Терма жамоамиз бу умидларни қанчалик оқлай олади, буни вақт кўрсатади. Шунинг учун баҳо беришга эрта деб ўйлайман.
2. Тўғридан-тўғри йўлланманинг қўлга киритилишига нима халақит берди?
Осиёнинг етакчи жамоалари ЖЧнинг 4-саралаш босқичига пухта режа асосида тайёргарлик кўришади, ким билан ўртоқлик ўйинлари ўйналади, рақибнинг кучли ва кучсиз томонларини ўрганишади. Масалан Австралия билан Эрон 3-саралаш баҳсида гуруҳдан базўр чиқишди, лекин ҳал қилувчи паллада вазиятни ўз томонларига оғдира олишди. Шунинг учун ҳам Ироқ ёки Иордания Осиё чемпион бўлиши мумкин, лекин ЖЧга Корея ва Япония боришади. Биз ҳеч қандай режа йўқ, ўйинга 3 кун қолганида йиғиламиз ва жисмоний ва руҳий ҳолатидан қаътий назар етакчи футболчилар майдонга тушади. ЎФФ ЖЧнинг футболимиз учун қанчалик муҳим аҳамиятига эга эканлигини тушунмаса керак деб ўйлайман, агар бошқача бўлганида бунчалик парда ортидан қарамасди.
Р.Инилеев ЖЧ-2010 охирги саралаш босқичи бошланиши арафасида, ҳаммани нарса тўғри ҳисобга олиб, тайёргарлик кўрсангиз ҳам оддий элементар нарсалар ҳам натижанинг бошқача бўлиб кетишига олиб келиши мумкин, деганди. Бу йилги саралашда терма жамоамиз таркиби ҳам, салоҳият ҳам олдинги йилларга қараганда яхши эди. Сабаби терма жамоа аъзоларининг кўпчилиги турли чемпионатларда етакчи футболчиларга айланиб, бир мунча тажриба оширишган, терма жамоанинг асосий фигуралари ўзининг “ПИК” нуқтасига келиб улгуришган эди. ЖЧ йўлланмасини тўғридан-тўғри киритиш учун жуда катта имкониятимиз бор эди, боя айтганимдек оддий вазиятлар бизга халақит қилди. Япон ҳакамларининг хатолари, мураббийнинг алмаштирилиши натижасида Ливандаги ўйинда бой берилган очколар, шарт бўлмаган пайтдаги охирги тур учрашувларини бир вақтда ўтказилишига рози бўлганимиз, Қосимовнинг ўта эҳтиёткорлиги ва ҳакозо.....
3. Энди нима қилиш керак деб ўйлайсиз?
Плей офф баҳсларига 3 ойдан кам вақт қолди, Қосимов мураббий бўлиб қолсин десам, Иорданиядан ўта олмайсиз, Абрамов келса Жанубий Америка қирғоқларида қолиб кетамиз. Футболчиларимиз салоҳияти потенциалидан максимал фойдалана оладиган, қисқа муддатда терма жамоани шакллантира оладиган мураббий зарур. Албатта янги келадиган мураббий терма жамоалар марказига ўзининг режасини тақдим қилиши ва терма жамоалар маркази ЎФФ билан биргаликда барча шарт шароитлар яратиб бериши зарур. Кўпчиликнинг ҳақли эътирозига сабаб бўлаётган терма жамоамизнинг қариб бораётгани, потенциал ёшлар билан тўлдира олмаётганимиз ҳам мураббийнинг айби. Бизга ёшларни ўз кучига ишонтира оладиган мураббийлар керак. Масалан, Юрген Геде ёки Радулович каби....
Акмал Оллаберганов
