"Бетис" дарвозабони Адриан Конференциялар Лигаси финалида "Челси"дан учралган мағлубият (1:4) ҳақида фикр билдирди.
"Биз концентрацияни йўқотдик ва биринчи голни ўтказиб юбордик. Беш дақиқадан сўнг улар иккинчисини киритишди. Жамоа "Челси"нинг босимини ҳис қилди ва руҳимиз тушиб кетди. Биз довдираб қолдик. Бу биз учун оғир кун. Шу билан бирга, айтишим мумкинки, мен клуб ва унинг мухлислари билан фахрланаман. Биринчи бўлим биз учун ажойиб тарзда ўтди. Голимизни бемалол мухлисларимиз ҳисобига ёзиб қўйиш мумкин. Мен жиддий айтяпман. Уларнинг қўллаб-қувватлаши жуда сезилди. Иккинчи гол учун имкониятларимиз бор эди, афсуски. Биз бундай ўйинлардан сабоқ олишимиз керак," - дея Адрианнинг сўзларини келтиради УEФА матбуот хизмати.
