"Милан"да янги спорт директори пайдо бўлди, бу Игли Таре ва у клубнинг янги мураббийи масаласини узоқ вақт кечиктирмоқчи эмас. Португалиялик мутахассис Сержиу Консейсау билан хайрлашилиши аниқ, бунга шубҳа йўқ.
Гап унинг ўрнини ким эгаллашида ва сўнгги кунларда "Милан"нинг собиқ устози Массимилиано Аллегри фаворит бўлиб турибди. "Россонерилар" мухлислари Аллегри 2011 йилда клубга чемпионлик унвонини олиб келганини эслаб, бундай тайинловга етарлича хайрихоҳлик билан қарашмоқда.
Келаси ҳафтада у клубнинг янги мураббийи сифатида тақдим этилиши кутилмоқда.
