"Манчестер Юнайтед" ҳужумчиси Расмус Хёйлунн Италия А Серияси клубларида қизиқиш уйғотишда давом этмоқда.
Данияликка "Ювентус" даъвогарлик қилмоқда. Инсайдер Николо Скиранинг янгиланган ҳисоботига кўра, яқинда "кекса синьора" вакиллари ўз мижози учун янги клуб қидираётган "қизил иблислар" ҳужумчисининг агентлари билан боғланган.
Transfermarkt экспертлари Расмус Хёйлунднинг нархини 45 млн еврога баҳоламоқда, "Манчестер Юнайтед" эса, маълумотларга кўра, 22 ёшли футболчини сотишдан 65 млн евро ишлаб олмоқчи. Футболчи Англияга кўчиб ўтгунга қадар "Аталанта" шарафини ҳимоя қилган.













