Тошкент шаҳрининг Сергели туманида жойлашган спорт мактаби стадионида U-19 (эркаклар ва аёллар) ўсмирлар ўртасида спортнинг регби тури бўйича мамлакат чемпионати бўлиб ўтди.
Турнирда юртимизнинг турли ҳудудларидан келган — 12 та ўғил болалар ва 5 та қизлар жамоаси ғолиблик учун баҳс олиб боришди.
Қизғин баҳс ва муросасиз беллашувларга бой ўтган мусобақа натижаларига кўра:
Эркаклар ўртасида:
1-ўринни Хоразм вилояти жамоаси,
2-ўринни Тошкент шаҳар жамоаси,
3-ўринни Наманган вилоят жамоаси,
Аёллар ўртасида:
1-ўринни Хоразм вилояти жамоаси,
2-ўринни Қорақалпоғистон Республикаси жамоаси,
3-ўринни Ўзбекистон Миллий университети жамоаси эгаллади.
Ғолиб ва совриндорлар ташкилотчиларнинг диплом, медаль ва эсдалик совғалари билан тақирланди.
