Италия терма жамоасининг собиқ сардори ва "Олтин тўп" соҳиби Фабио Каннаваро Чемпионлар Лигаси финали арафасида Миланнинг "Интер" клубини қўллаб-қувватлади.
31 май куни Мюнхенда бўлиб ўтадиган мусобақанинг ҳал қилувчи баҳсида Симоне Индзаги жамоаси Франциянинг "ПСЖ" клубига қарши майдонга тушади.
"Италиялик футболчи сифатида умид қиламанки, "Интер" кубокни уйга олиб келади. Фикримча, "Интер" жуда кучли жамоага қарши ўйнашига қарамай, фаворит. "ПСЖ" нафақат ҳужумда кучли, балки ҳимояда ҳам "Барселона"ни эслатувчи уюшқоқлик билан ҳаракат қилади," - дея Каннаваронинг сўзларини келтиради Calciomercato.
