Допинг тести ижобий чиққани учун дисквалификация қилинган “Челси” футболчиси Михаил Мудрик кечаги финалда кўриниш берди ва Конференциялар лигасида ғолиб чиққани учун медаль олди.
Бу ҳақда таниқли журналист Бен Жейкобс ижтимоий тармоқларида хабар берди. Daily Mail хабарига кўра, мухлислардан бири украиналик футболчидан ўйинга нима учун келганини сўраган.
Вингер хотиржам жавоб берди: "Мен медалимни олишим керак. Финал ҳуштаги янграгач, Мудрик “Челси”даги жамоадошлари билан байрамга қўшилди.
Эслатиб ўтамиз, футболчи 28 ноябрдан бери майдонга тушмаган, бироқ у Конференциялар лигасида 6та ўйин ўтказиб, 3та гол ва 3та голли узатмани амалга оширган.
