"Реал" клуби "Арсенал"нинг чап қанот ҳимоячиси Майлз Льюис-Скеллига жиддий қизиқиш билдирмоқда. Бу ҳақда The Guardian хабар бермоқда.
Манбага кўра, "Лос-Бланкос" Лондон клуби ва 18 ёшли футболчи ўртасида шартномани узайтириш бўйича музокаралар боши берк кўчага кириб қолганини билишган. Таъкидланишича, "канонирлар" Льюис-Скеллини клубда сақлаб қолиш учун бор кучини ишга солишга мажбур.
Жорий мавсумда ҳимоячи Англия чемпионатининг 23та учрашувида қатнашиб, битта гол урган. Льюис-Скеллининг клуб билан амалдаги шартномаси 2026 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 28 миллион еврони ташкил қилади.
