"Реал"нинг собиқ бош мураббийи Карло Анчелотти клубни тарк этиш қарори қачон қабул қилинганини айтди.
"Натижалар биз кутгандек бўлмади. Жамоанинг ўйини ҳам унчалик яхши бўлмади. Нимадир қилиш вақти келди. "Арсенал" билан ўйиндан сўнг биз буни муҳокама қилдик ва бир қарорга келдик. Жамоа энг яхши формада эмас эди ва биз "Реал" ўзгаришларни излаши кераклигини, мен учун эса Бразилияга қараш кераклигини англадик", - деди Анчелотти.
Карло Анчелотти бир неча кундан бери Бразилия терма жамоасини бошқариб келмоқда. Июн ойида жамоа Эквадор ва Парагвайга қарши ўйин ўтказади.
