"Аталанта" ва марказий ярим ҳимоячи Марио Пашалич ўртасидаги шартномани узайтириш бўйича музокаралар якуний босқичда, дея хабар беради инсайдер Николо Скира.
Футболчи билан тузилган янги шартнома 2027 йилгача мўлжалланган бўлиб, уни яна бир йилга узайтириш мумкин. Марионинг амалдаги шартномаси 30 июнь куни якунига етади.
Жорий мавсумда Марио клуб сафида 47 та ўйинда майдонга тушиб, 6 та гол ва 6 та голли узатмага муаллифлик қилган.













