Ўнг қанот ҳимоячиси Кайл Уокер "Милан"ни тарк этиб, "Манчестер Сити"га қайтади. Инсайдер Фабрицио Романонинг ёзишича, "россонерилар" раҳбарияти якунда инглизни сотиб олиш пунктини фаоллаштирмасликка қарор қилган. 35 ёшли футболчи "шаҳарликлар" қароргоҳига келади, аммо жамоада қолмайди - уни ё сотишади ёки ёзги трансфер ойнасида навбатдаги бор ижарага қўйиб юборишади. Футболчи учун янги клуб қидирилмоқда.
Шунингдек, Кайл Уокер "Манчестер Сити" билан клублар ўртасидаги жаҳон чемпионатига бормаслиги ҳам маълум.
Тажрибали латерал ярим йил давомида "Милан" шарафини ҳимоя қилди. У барча турнирларда жамоа учун 16 та ўйин ўтказди.
