"ПСЖ" марказий ҳимоячиси Маркиньос Миланнинг "Интер" клуби билан Чемпионлар Лигаси финалидан нималарни кутаётганини айтди.
Ўйин 31 май куни Мюнхенда бўлиб ўтади ва Тошкент вақти билан 00:00 да бошланади.
"Биз "Интер"нинг кучли томонларини биламиз, рақиб ҳам бизни ўрганиб чиқади, шунинг учун асосийси - деталларга эътибор қаратиш. Биз мудофаа устида қаттиқ ишладик, аммо тактик ёндашувни ўзгартирмаймиз. Бизнинг вазифамиз - олдинда асосий хавф туғдираётган "Интер" ҳужумчиларини, шунингдек, тезкор қанот футболчиларини зарарсизлантириш. Биз баъзи нарсаларни тайёрлаб қўйдик, лекин тафсилотларни сизга айтиб бера олмайман. Фақат шуни айтаманки, биз ўз тизимимизга содиқ бўламиз. Ўйлайманки, бизни қизиқарли ўйин кутмоқда," - деди Маркиньос матбуот анжуманида.
