"Ан-Наср" Англия Премьер-лигасининг яна бир юлдузини трансферлар рўйхатига киритди.
Саудия клубининг устувор мақсади "Ливерпуль" вакили Луис Диас ҳисобланади. Журналист Бен Жейкобснинг маълум қилишича, "Ан-Наср" Диас бўйича музокараларда муваффақиятсизликка учраса, Алехандро Гарначо ("Манчестер Юнайтед") номзодига ўтади.
28 ёшли колумбиялик футболчининг трансфер нархи Transfermarkt портали томонидан 70 млн еврога, 20 ёшли аргентиналикнинг нархи эса 45 млн еврога баҳоланмоқда.
Гарначога Лондоннинг "Челси" ва Италиянинг "Наполи" клублари ҳам қизиқиш билдирган. Футболчининг "қизил иблислар" билан шартномаси 2028 йилгача мўлжалланган.
