"Тоттенхэм" ҳимоячиси Кристиан Ромеро Испания чемпионатида ўйнашни исташини айтиб ўтди.

"Мен Ла Лигада жон деб ўйнаган бўлардим, айнан шуни хоҳлайман. "Тоттенхэм"? Мен бу ерда охирги кунимгача қўлимдан келганича ҳаракат қиламан. Мен бахтлиман. "Шпорлар" мухлислари мени ўзимни муҳим ўйинчидек ҳис қилишга мажбур қилишади. Келажакда менга нима бўлишидан қатъи назар, мен хурсанд бўламан," - дея Ромеронинг сўзларини келтиради Marca.

AS хабарига кўра, "Атлетико" 27 ёшли аргентиналик ҳимоячини ўз сафига қўшиб олмоқчи.

2024/25 йилги мавсумда Ромеро барча турнирларда 26 та ўйинда майдонга тушиб, 1 та гол урди ва 2 та голли узатмани амалга оширди.