"Ювентус" шов-шувли трансферни амалга оширишга тайёр: Лиссабоннинг "Спортинг" клуби ҳужумчиси Виктор Дьёкереш клуб қизиқишларига сабабчи бўлди.

"Кекса синьора" техник директори Кристиано Жунтоли ҳамон "Наполи"га тегишли Виктор Осимхенни ўз жамоасида кўришни истамоқда, аммо туринликлар бошқа қиммат вариантни ҳам кўриб чиқмоқда. Инсайдер Маттео Мореттонинг маълум қилишича, "Ювентус" аллақачон Дьёкереш билан алоқа ўрнатган, унга Европанинг бошқа кўплаб грандлари ҳам даъвогарлик қилмоқда. Жунтоли бундай даражадаги форвард жамоага кераклигига ишончи комил.

Виктор Дьёкерешнинг transfermarkt порталидаги нархи 75 млн еврога баҳоланмоқда. 26 ёшли швециялик футболчи ўтган мавсумда "Спортинг" сафида 52 та ўйинда 54 та гол ва 13 та голли узатмага муаллифлик қилган.