"Бетис" Антонини олиб қолмоқчи.
Marca хабарига кўра, испан клуби "Манчестер Юнайтед"дан ижарага олинган бразилиялик футболчининг камида яна бир мавсум қолишини истамоқда.
Келаси ҳафта клублар вакиллари учрашиб, эҳтимолий сценарийларни муҳокама қилишади. Ижара яна бир йилга узайтирилиши мумкин, аммо бу эҳтимолдан йироқ, чунки "МЮ" бразилиялик футболчига сарфланган пулнинг ҳеч бўлмаганда бир қисмини қайтариб олмоқчи.
Шу муносабат билан "Бетис" Антони ҳуқуқларининг бир қисмини сотиб олиш имкониятини кўриб чиқмоқда. Агар вингер яхши ўйнашда давом этса, ҳар икки клуб ҳам ЖЧ-2026дан кейин уни сотишдан пул ишлаб олиши мумкин.
Қайд этилишича, Антони Испанияда қолиш учун молиявий ён босишига тўғри келади.













