"Барса"нинг собиқ директори Роберто Фернандес Бонильо Усмон Дембеле ҳақида гапирди.
Франциялик футболчи Каталония клубига 2017 йилнинг ёзида Дортмунднинг "Боруссия"сидан ўтган эди. Ўша пайтда "Барса"нинг спорт директори Роберто Фернандес Бонильо эди.
- Дембеле билан шартнома имзолаганингизда сизни жуда кўп танқид қилишган эди, лекин энди қаранг...
"Усмонга сабримиз етмади. Ҳеч кимни. На сиз, на матбуот, на биз. Очиғи, бу футболчига ёмон муносабатда бўлдик, деб ўйлайман. Афсуски, шундай.
-Унга сабр-тоқат етмади, энг муҳими, у иккита жиддий жароҳат олди. Шахсан менга у унчалик профессионал эмаслигини айтишган ва бу ҳақиқат эмас эди", деди Бонильо.













