"Интер" Чемпионлар лигаси финалида мағлуб бўлганидан сўнг дарҳол янги мураббий излашга мажбур бўлиши мумкин.

Шанба куни “нерадзуррилар” "ПСЖ"га қарши кубок учун кечган жангда оғир мағлубиятга учради – 0:5.

Ушбу ўйин Симоне Индзаги учун "Интер" бош мураббийи сифатидаги сўнгги учрашуви бўлиши мумкин, бу ҳақда ўйин бошланишидан олдин хабар берилганди.

Журналист Жанлука ди Марционинг хабар беришича, Милан гранди раҳбарияти Индзаги кетса, унинг ўрнига ёш мутахассисни таклиф қилишни режалаштирмоқда.

Номзодлар орасида Сеск Фабрегас ("Комо"), Кристиан Киву ("Парма") ва Роберто Де Зерби ("Марсель") бор.