Симоне Индзаги "Интер" бош мураббийлигидан кетиши кутилмоқда, ҳатто мутахассиснинг ўзи ҳам клублар ўртасидаги жаҳон чемпионати вақтида жамоа билан ишлай олиши ҳақиқат эмаслигини тан олди.
Sky Sports нашри хабарига кўра, Симоне Индзаги келажаги сешанба куни, у раҳбарият билан учрашганда ҳал бўлади.
"Қарор мураббийга боғлиқ, томонларнинг ҳали бир йиллик шартномаси бор. Клуб Симоненинг цикли ҳали якунланмаган деб ҳисобламоқда. Сешанба куни у раҳбарият билан учрашади ва шундан сўнг унинг "Ал-Ҳилол"га кетиши ёки кетмаслиги аниқ бўлади", - дея аниқлик киритди манба.
Эслатиб ўтамиз, Симоне "Интер"ни 2021 йилдан буён бошқариб келмоқда. Унгача клубни Антонио Конте бошқарган.
