"Тоттенхэм" бош мураббийи Анж Постекоглу тез орада истеъфога чиқарилиши мумкин. Клуб раҳбарияти яқин вақт ичида австралиялик мураббий борасида бир қарорга келади, дея хабар беради инсайдер Фабрицио Романо.
Унинг ўрнига икки асосий номзод - "Фулхэм" устози Марко Силва ва "Брентфорд" бош мураббийи Томас Франк бор. Постекоглунинг ўзи ҳамон ўз ишини сақлаб қолишига ишончи комил, бу ҳақда у бир неча бор оммага эълон қилган.
"Тоттенхэм" Европа лигасида ғолиб чиқди, шу туфайли кейинги Чемпионлар лигасида ўйнайди. Жамоа чемпионатда муваффақиятсизликка учради ва ўн еттинчи ўринни эгаллади. Анж Постекоглу 2023 йилнинг ёзидан бери лавозимда ишлаб келмоқда.













