Ўтган мавсумда Лондоннинг "Арсенал" клуби бош мураббийи Микель Артета "ПСЖ" ҳужумчиси Дезире Дуэни сотиб олишдан бош тортган эди. Бу ҳақда нуфузли инсайдер Фабрицио Романо хабар берди.
Манбага кўра, "канонирлар" 19 ёшли вингерни 35 миллион еврога сотиб олишлари мумкин эди, бироқ Артета раҳбариятга: "Бизда Мартинелли бор", деб айтган.
Жорий мавсумда Дуэ 54 та учрашувда иштирок этиб, 15 та гол урди ва 16 та голли узатмани амалга оширди.













