"Галатасарой" ва Испания терма жамоаси ҳужумчиси Альваро Мората "Олтин тўп"га кимни муносиб даъвогар деб билишини айтди.
32 ёшли футболчи Усмон Дембеле, Рафинья ва бошқа юлдузлар билан соврин учун курашадиган терма жамоадоши Ламин Ямални алоҳида такидлади.
"Мен Ламиннинг "Олтин тўп"ни қўлга киритишини истардим. Ўтган йили футболчиларимиз - Родри, Карвахаль, Фабиан Руис ғалаба қозонишини хоҳлагандим. Бу ғурур ва ўзига хослик масаласи. Тўғрисини айтсам, футболда ҳозир Ямал каби майдонни ўзгартира оладиган ҳеч ким йўқ деб ўйлайман", - деди Мората.
Ламин Ямал ўтган мавсумда “Барселона” сафида 55 та ўйинда майдонга тушиб, 18 та гол урди ва 25 та голли узатмани амалга оширди.
