"Galatasaroy" va Ispaniya terma jamoasi hujumchisi Alvaro Morata "Oltin to‘p"ga kimni munosib da’vogar deb bilishini aytdi.
32 yoshli futbolchi Usmon Dembele, Rafinya va boshqa yulduzlar bilan sovrin uchun kurashadigan terma jamoadoshi Lamin Yamalni alohida takidladi.
"Men Laminning "Oltin to‘p"ni qo‘lga kiritishini istardim. O‘tgan yili futbolchilarimiz - Rodri, Karvaxal, Fabian Ruis g‘alaba qozonishini xohlagandim. Bu g‘urur va o‘ziga xoslik masalasi. To‘g‘risini aytsam, futbolda hozir Yamal kabi maydonni o‘zgartira oladigan hech kim yo‘q deb o‘ylayman", - dedi Morata.
Lamin Yamal o‘tgan mavsumda “Barselona” safida 55 ta o‘yinda maydonga tushib, 18 ta gol urdi va 25 ta golli uzatmani amalga oshirdi.
