Италиялик дарвозабон Жанлуижи Доннарумма Европанинг бир қатор грандлари қизиқишлари доирасида. Инсайдер Жозуэ Кассенинг маълум қилишича, юлдуз дарвозабонни Мадриднинг "Реал," "Бавария," "Манчестер Юнайтед" ва "Манчестер Сити" клублари ўз сафига қўшиб олиши мумкин.
Юқоридаги барча клублар Доннарумманинг Париж клуби раҳбарияти билан янги шартнома бўйича музокараларини кузатиб бормоқда. 26 ёшли италияликнинг амалдаги келишуви 2026 йилнинг ёзида ўз ниҳоясига етади. Унинг бозор қиймати 35 миллион еврога баҳоланмоқда.
Жанлуижи Франция чемпионатининг ўтган мавсумида 24 та ўйин ўтказиб, 27 та тўп ўтказиб юборган.
