Italiyalik darvozabon Janluiji Donnarumma Yevropaning bir qator grandlari qiziqishlari doirasida. Insayder Jozue Kassening ma’lum qilishicha, yulduz darvozabonni Madridning "Real," "Bavariya," "Manchester Yunayted" va "Manchester Siti" klublari o‘z safiga qo‘shib olishi mumkin.
Yuqoridagi barcha klublar Donnarummaning Parij klubi rahbariyati bilan yangi shartnoma bo‘yicha muzokaralarini kuzatib bormoqda. 26 yoshli italiyalikning amaldagi kelishuvi 2026 yilning yozida o‘z nihoyasiga yetadi. Uning bozor qiymati 35 million yevroga baholanmoqda.
Janluiji Fransiya chempionatining o‘tgan mavsumida 24 ta o‘yin o‘tkazib, 27 ta to‘p o‘tkazib yuborgan.
