Тажрибали ҳужумчи Эдин Жеко фаолиятини А Серияда давом эттириши мумкин - 39 ёшли босниялик футболчига бирданига икки итальян клуби қизиқиш билдирган.
Бу ҳақда таниқли инсайдер Николо Скира маълум қилди. Яқинда Жеко кетишини эълон қилган Туркиянинг "Фенербахче" клубидаги икки мавсумдан сўнг, ҳужумчи илгари "Рома" ва "Интер"да муваффақиятли ўйнаган Италияга қайтиш вариантларини кўриб чиқмоқда.
Ўтган 2024/2025-йилги мавсумда Эдин барча мусобақаларда 53 та ўйинда майдонга тушиб, 21 та гол урди ва саккизта голли узатмани амалга оширди.













