Германия чемпионатида "РБ Лейпциг" шарафини ҳимоя қилаётган нидерландиялик хавбек Хави Симонс фаолиятини Англия Премьер-лигасининг топ-клубида давом эттириш вариантига эга.
Blue_Footy аккаунтида ёзилишича, Симонснинг трансферига Лондоннинг "Челси" клуби қизиқиш билдирмоқда. Битим ёзги трансфер ойнасида расмийлаштирилиши мумкин.
22 ёшли ярим ҳимоячининг "буқалар" билан амалдаги шартномаси 2027 йилнинг июнь ойи охиригача мўлжалланган. "Transfermarkt" портали унинг бозор нархини 70 миллион еврога баҳоламоқда.
Хави Бундеслиганинг ўтган мавсумида 25 та ўйинда майдонга тушди. Ярим ҳимоячи ўнта гол ва еттита голли узатма муаллифи бўлди.
