Лионель Скалони Лионель Месси Чилига қарши ўйнашга тайёрлигини айтди.
Аргентина ва Чили терма жамоалари ўртасидаги ЖЧ-2026 саралаш баҳси 6 июнь, жума куни бўлиб ўтади.
"Мен у билан гаплашдим, биз ҳали ҳам алоқадамиз. Яқинда алоқада бўлдик. Ҳозирча у ушбу ўйинда асосий таркибда майдонга тушадими ёки йўқми, бир қарорга келганимиз йўқ. Унинг жисмоний ҳолатини билсак яхши бўларди.
Албатта, энди биз бошқа вариантларни синаб кўришимиз мумкин. Ўтган шанба куни у яхши ўйин ўтказди. Принципиал жиҳатдан у ўйнашга тайёр, биз қарор қабул қиламиз.
Кўпчилик ўйнамайди, айниқса ярим ҳимояда. Ҳали асосий таркиб борасида бир қарорга келганим йўқ, чунки ҳаммаси машғулотларга боғлиқ бўлади, лекин ҳали кўп ўйнамаганларга ўйнаш имкониятини берамиз, уларнинг вақти келди. Натижа ҳар доим муҳим, аммо ҳозир бу ҳал қилувчи эмаслигига ишонамиз. Футболчилар яхши мослашиб, терма жамоада ўйнаш имкониятига эга бўлишларига ҳаракат қиламиз", — деди Аргентина терма жамоаси бош мураббийи.
