Lionel Skaloni Lionel Messi Chiliga qarshi o‘ynashga tayyorligini aytdi.

Argentina va Chili terma jamoalari o‘rtasidagi JCH-2026 saralash bahsi 6 iyun, juma kuni bo‘lib o‘tadi.

"Men u bilan gaplashdim, biz hali ham aloqadamiz. Yaqinda aloqada bo‘ldik. Hozircha u ushbu o‘yinda asosiy tarkibda maydonga tushadimi yoki yo‘qmi, bir qarorga kelganimiz yo‘q. Uning jismoniy holatini bilsak yaxshi bo‘lardi.

Albatta, endi biz boshqa variantlarni sinab ko‘rishimiz mumkin. O‘tgan shanba kuni u yaxshi o‘yin o‘tkazdi. Prinsipial jihatdan u o‘ynashga tayyor, biz qaror qabul qilamiz.

Ko‘pchilik o‘ynamaydi, ayniqsa yarim himoyada. Hali asosiy tarkib borasida bir qarorga kelganim yo‘q, chunki hammasi mashg‘ulotlarga bog‘liq bo‘ladi, lekin hali ko‘p o‘ynamaganlarga o‘ynash imkoniyatini beramiz, ularning vaqti keldi. Natija har doim muhim, ammo hozir bu hal qiluvchi emasligiga ishonamiz. Futbolchilar yaxshi moslashib, terma jamoada o‘ynash imkoniyatiga ega bo‘lishlariga harakat qilamiz", — dedi Argentina terma jamoasi bosh murabbiyi.