Аурелио Де Лаурентиснинг айтишича, Кевин Де Брюйненинг "Наполи"га ўтиши энг муҳими эмас.
"Манчестер Сити"ни текинга тарк этаётган бельгиялик 33 ёшли ярим ҳимоячи яқин орада "Наполи"га ўтиши кутилмоқда.
"Ушбу келишув уч ой олдин тузилган, аммо бу мен қилган энг муҳими эмас. Де Брюйне чемпион, биз буни биламиз, лекин у, албатта, ёши каттароқ футболчи.
Бу жамоа учун кучайтирилиши керак бўлган яна бир қисм. Биз тўртта мусобақада ўйнаймиз: лига, Италия кубоги, Италия Суперкубоги ва Чемпионлар лигаси. Демак, трансферлар кўп бўлади.
Биз яхши ишлашни яхши кўрамиз ва ҳеч нарсани тасодифга қолдирмоқчи эмасмиз. Ҳеч ким Контенинг бунчалик тез тасдиқланишини кутмаган эди, шунинг учун ташвишланманг.
Ва яна бир нарса. Трансфер бозори ҳақида савол берманг. Биз бозорда ишлаяпмиз, лекин бир ой давомида бу ҳақда ҳеч нарса билмай қоласиз.
Ҳар куни 50 та футболчи сотиб олаётганимизни ёзасиз. Сизни ўқиганимда жуда куламан - биз аллақачон 70 нафар футболчини сотиб олганга ўхшаймиз, трансфер бозоридагиларнинг ҳаммаси аллақачон "Наполи"га ўтиб кетишган... Демак, бу ҳақда гапиришдан маъно йўқ, сиз ҳаммасини ёзиб бўлдингиз", - деди "Наполи" президенти Де Лаурентис.
