"Милан"нинг чап қанот ҳимоячиси Тео Эрнандесга икки клуб - Испаниянинг "Атлетико"си ва Саудия Арабистонининг "Ал-Ҳилол" клуби қизиқиш билдирмоқда.
"Россонерилар" 27 ёшли футболчини сотишга тайёр, чунки улар у билан янги шартнома борасида келишиб олишмаган ва амалдаги келишув бир йилдан кейин тугайди. “Ал-Ҳилол” франциялик футболчига асосий даъвогар саналган, бироқ “Атлетико” кейинчалик футболчи учун курашга кирди.
Инсайдер Жанлука ди Марсионинг сўзларига кўра, Эрнандеснинг ўзи “матрасчилар” сафига қўшилишни маъқул кўради. Муаммо шундаки, мадридликлардан келган таклиф ҳамон миланликларни қониқтирмаяпти. Клублар музокараларни давом эттирмоқда.
Олдинроқ “Ал-Ҳилол” футболчи учун 25 миллиондан 30 миллион еврогача тўлашга тайёрлиги ҳақида хабарлар тарқалган эди.
