Криштиану Роналду Роберто Мартинес қўл остида Португалия терма жамоаси сафида 19 та гол урди.
Португалия терма жамоаси ярим финал учрашувида Германияни 2:1 ҳисобида мағлуб этиб, Миллатлар лигаси финалига чиқди. Роналду 68-дақиқада ғалаба голини киритди.
Мартинес қўл остида 24 та ўйинда Роналду терма жамоа сафида 19 та гол уришга эришди. Испаниялик мутахассис 2023 йилнинг январида Португалия терма жамоасига келган эди.
Умуман олганда, Криштиану Португалия терма жамоаси сафида 137 та гол урган. 40 ёшли форвард терма жамоалар учун гол уриш бўйича рекордчи ҳисобланади.
