Ҳужумчи Неймар яқин орада клубини ўзгартириши мумкин.

O Globo нашрининг хабар беришича, Мексиканинг «Пачука» клуби Неймар билан шартнома имзолаш имкониятини кўриб чиқмоқда.

Клуб раҳбарлари бу ҳаракатни ҳам спорт, ҳам тижорий жиҳатдан катта тарихий имконият деб билишади.

Мақсад — 33 ёшли бразилиялик футболчи билан клублар ўртасидаги жаҳон чемпионати давомида шартнома имзолаш.

Қисқа муддатли шартнома катта инвестицияларни талаб қилмайди. Клублар ўртасидаги жаҳон чемпионати гуруҳ босқичида “Пачука” “Ред Булл Зальцбург” (19 июн), “Реал” (22 июн) ва “Ал-Ҳилол” (27 июн) клубларига қарши баҳс олиб боради.