Англиянинг “Астон Вилла” клуби Германиянинг “Айнтрахт Франкфурт” клуби ярим ҳимоячиси Фарес Шаибига қизиқиш билдирмоқда.
Бу ҳақда Frankfurter Rundschau нашри хабар берди. Манбага кўра, "Астон Вилла" 22 ёшли франкфуртлик футболчини таркибни кучайтириш учун яхши имконият сифатида кўрмоқда.
Жазоирлик футболчи бу вариантга унчалик қизиқмаяпти, "Айнтрахт" эса фойдали таклифлар бўлса, футболчидан қутулишга тайёр.
Манбага кўра, Шаиби Премьер-лигада яхши шартномага эга бўлиши мумкин.













