«Челси» Франкфуртнинг «Айнтрахт» клуби ҳужумчиси Уго Экитике трансфери устида ишламоқда.
German Sky журналисти Флориан Плеттенбергнинг ижтимоий тармоқларда хабар беришича, Лондон клуби 22 ёшли Экитике билан оғзаки келишув устида ишламоқда.
Шу билан бирга, «Челси» аллақачон «Айнтрахт» билан алоқага чиққани қайд этилган. Немис клуби футболчи учун катта сумма - 100 миллион евро талаб қилишда давом этмоқда.
Клублар келишувга эришадими ёки йўқми ҳозирча аниқ эмас, аммо музокаралар жараёнидаги кейинги қадамлар аллақачон режалаштирилган.













