Украина терма жамоаси дарвозабони Андрий Лунин миллий терма жамоа 7 июнь куни Канадага қарши, 11 июнга ўтар кечаси эса Янги Зеландияга қарши ўйнайдиган Канада қалқони ўртоқлик турниридан олдинги фикрлари билан ўртоқлашди.
"Парвоздан кейинги биринчи кун оғир кечди. Ҳозир ҳаммаси жойида. Мен Шимолий Америкада, Канададаги йиғинда бор-йўғи бир марта бўлганман. Бу "Реал" билан биринчи мавсумолди машғулотим эди.
Канада ва Янги Зеландия? Биз учун асосийси бу жаҳон чемпионати саралаш босқичига тайёргарлик кўриш учун сўнгги имконият. Бизнинг эътиборимиз ушбу йиғинни имкон қадар самарали ўтказишга қаратилган.
Мен индивидуал даражада яхши ишлаяпман. Мен бир йил давомида дунёнинг энг яхши клубида энг яхши футболчилар ва мураббийлар билан ишладим, шунинг учун ҳеч қачон ўзимга ишончни йўқотмаганман. Ўйин амалиётига эга бўлганим яхши ва мен жамоага ёрдам беришга тайёрман", - деди Лунин.
