"Манчестер Юнайтед" ҳали ҳам Браян Мбеумони ўз сафига қўшиб олмоқчи.
Аввалроқ "Брентфорд" “қизил иблислар”нинг 45 миллион фунт стерлинг ва бонуслар сифатида 10 миллион фунт стерлинглик биринчи таклифини рад этган эди.
Шундан сўнг томонлар музокараларни давом эттирди.
"Манчестер Юнайтед" 25 ёшли ўнг қанот ҳужумчиси учун иккинчи яхшиланган таклифни киритмоқчи.
Браян ўтган мавсумда Премьер-лигада 38 та ўйинда майдонга тушиб, 20 та гол урди ва 7 та голли узатмани амалга оширди.













