"Manchester Yunayted" hali ham Brayan Mbeumoni o‘z safiga qo‘shib olmoqchi.

Avvalroq "Brentford" “qizil iblislar”ning 45 million funt sterling va bonuslar sifatida 10 million funt sterlinglik birinchi taklifini rad etgan edi.

Shundan so‘ng tomonlar muzokaralarni davom ettirdi.

"Manchester Yunayted" 25 yoshli o‘ng qanot hujumchisi uchun ikkinchi yaxshilangan taklifni kiritmoqchi.

Brayan o‘tgan mavsumda Premyer-ligada 38 ta o‘yinda maydonga tushib, 20 ta gol urdi va 7 ta golli uzatmani amalga oshirdi.