Франция терма жамоаси ҳимоячиси Люка Эрнандес Ламин Ямал ҳақида ўз фикрлари билан ўртоқлашди.
Миллатлар лигаси ярим финалида французлар испанияликларга имкониятни бой беришди – 4:5. Ямал иккита гол урди ва учрашувнинг энг яхши футболчиси деб топилди.
"Ямал - ажойиб футболчи. У бошқалардан устунлигини кўп жиҳатдан исботламоқда. Уни ажойиб мавсум билан табриклайман ва унга энг яхши тилакларни тилайман", - деди учрашувнинг 72-дақиқасида захирадан майдонга тушган "ПСЖ" вакили ўйиндан кейинги интервьюсида.
