Дидье Дешам ҳужум марказида Килиан Мбаппе энг самарали эканлигини айтди.
Аввалроқ, "Реал"нинг 26 ёшли форварди Ла Лигада 31 та гол уриб, "Олтин бутса"ни қўлга киритганди.
"У бу ролда ўйнашга ўрганиб қолган ва майдоннинг бу қисмида жуда самарали. У Европанинг энг яхши тўпурари бўлди, ҳеч ким ундан кўп гол ура олмади. У бутун мавсум давомида ҳужум марказида ўйнади.
Ҳа, у Жирудек услубга эга эмас, лекин менимча, бу унинг учун ҳам, жамоа учун ҳам оптимал позиция бўлади", — деди Франция терма жамоаси бош мураббийи.
