Португалия терма жамоаси бош мураббийи Роберто Мартинес ўтган мавсум якунларига кўра "Олтин тўп" учун асосий даъвогарлардан бири бўлган Испания терма жамоаси вингери Ламин Ямалнинг истеъдодига баҳо берди.
"Ямал бу ёшида шунчалик барқарор экани ҳайратланарли. Айниқса, у вингер позициясида ўйнайди. Бу дунё учун ўзига хос ҳолат. Ламин - ноёб ўйинчи," - деди Мартинес Миллатлар Лигаси финалидан олдин ўтказилган матбуот анжуманида.
Эслатиб ўтамиз, Ламин Ямал Миллатлар Лигаси ярим финалида Францияга қарши ўйинда дубль қайд этди ва Испанияга 5:4 ҳисобида ғалаба қозонишига ёрдам берди.
