"Милан" бош мураббийи Массимилиано Аллегри "Рома"га тегишли ҳужумчи Тэмми Абрахамга умид боғламаяпти.
Англиялик футболчи ўтган мавсумни "россонерилар" сафида ижара асосида ўтказди. Миш-мишларга кўра, "Милан" Алексис Салемакерсга алмашиш орқали Абрахамни сақлаб қолиши мумкин эди, аммо бундай келишув амалга ошиши даргумон. Журналист Жанлука ди Марционинг маълум қилишича, миланликларнинг янги бош мураббийи Массимилиано Аллегри 27 ёшли ҳужумчини ўз жамоасида кўрмаяпти - у бўйича музокаралар режалаштирилмаган.
Ўтган мавсумда Тэмми Абраҳам "Милан" сафида 44 та ўйинда ўнта гол урди, шунингдек, "Челси"нинг собиқ футболчиси еттита голли узатмани амалга оширди.
